Den e espera pa su 25 aniversario e team di Payroll Pro HRM a bishita Accountantskantoor Tromp & Rojas, previamente conoci tambe como Jet Accounting and Tax Consultants N.V.
Na Accountantskantoor Tromp & Rojas, e team di Payroll Pro HRM a sinta hunto cu Mr. Edwin Tromp, cu ta conta “Nos ta hasiendo uso di Payroll Pro HRM pa mas cu 13 aña caba y di berdad mi por bisa cu no tin competencia cu ta yega cerca. Nunca nos a ni purba considera otro pakete di software pa por hasi nos payroll y ofrece nos servicionan. Un di e beneficionan mas grandi pa nos manera accountants ta cu nos por duna nos clientenan e oportunidad di por disfruta di e beneficionan di e Payroll Pro software. E ta duna nos e oportunidad pa por sirbi companianan chikito y mediano cu un payroll completo y di un nivel halto”.
Ora e team di Payroll Pro HRM a puntra meneer Tromp si tabata tin algun desafio pa cu e software durante tur e añanan di uso, Tromp a remarka “E switch di Payroll Pro Classic pa e Payroll Pro actual tabata un cambio grandi, cual a trese trabou extra pa nos como compania. Awo nos por wak tur e beneficionan cu e actual Payroll Pro HRM a trese cune si. E ta hopi mas facil pa usa, e no ta duna espacio pa comete eror y e ta hopi user-friendly”.
Edwin Tromp ta añadi cu full e team, nan ta un team di 4 hende, ta sumamente contento y gradici pa tur e support ricibi for di e distribuidor oficial di Payroll Pro HRM, cual ta VCC International. Nan ta sinti tur nan preguntanan y consultanan ta wordo atendi satisfactoriamente door di Soraya Roos, Astrid Marin, Ryan Reeberg y Dick Rikkengaa.
Payroll Pro HRM di su banda ta spera di por sigi sirbi Accountantskantoor Tromp & Rojas pa hopi aña mas y ta gradici e confiansa di nan banda poni riba Payroll Pro HRM.