66
Empresarionan local ta cuminsa cu propio negoshi
ORANJESTAD – Dialuna ultimo Minister di Finansa, Asuntonan Economico y Cultura tabata presente na Qredits pa nan entrega di nan di 75 microcredito. Sr. John Theysen y Sra. Naomi Chayadi a recibi un fiansa pa por cuminsa nan propio negoshi, cual ta un pizzeria cu ta bay haci uso di productonan local y tambe opcionnan moderno y exotico. Keano’s Pizza & Pasta lo provee un ambiente atractivo y diferente na un Pizzeria comun, cu un servicio ehemplar y personal. Keano ta bay atrae y comunica cu su clientenan, cu ta inclui diferente gruponan demografico, cu bon uso di Internet y “social media”.
E entrega a tuma lugar den presencia di amigo y famia kende a bin hunto pa brinda e sosten necesario na e empresarionan nobo aki.
Minister Ruiz-Maduro ta desea empresarionan Theysen y Chayadi hopi exito y perseverancia cu nan negoshi nobo y ta gradici Qredits pa por a brinda e fiansa aki hunto cu e sosten necesario na e projecto.