57
Diaranson mainta director di Lotto pa Deporte sr. Di-Estefano Wernet a ricibi e prome Kalender 2019 di Brazil Taekwondo Stichting for di Alberto Klabér. Sr. Wernet tabata contento di por a ricibi e prome Kalender 2019 di e team di Train Hard Fight Smart. Sr. Wernet a bisa cu e Kalender a keda masha bunita cu potret saca aki na Aruba, specialmente esun den e ola na e area di Seroe Colorado.
Alberto Klabér di Brazil Taekwondo Stichting tambe ta contento cu e Kalendernan a keda cla hopi lihe. Awo Brazil Taekwondo Stichting su atletanan por cuminsa bende e Kalendernan pa recauda fondo pa e biahenan di aña 2019, specialmente pa e tour di Korea 2019. Henk Meijer ta guia e team di “Train Hard Fight Smart” y ta sigui tur nan desaroyonan den Taekwondo. Tur esnan cu ta interesa di cumpra un of mas Kalender, por haci esaki cerca tur e miembronan di Brazil Taekwondo Stichting of yama sra. Delamore na 5926496 pa bo pedido. Ban yuda e team di Train Hard Fight Smart di Brazil Taekwondo Stichting yega na nan metanan.