Home » Partido MEP: AVP y Carl Giel ta contra progreso pa San Nicolas: PROYECTO FAST FERRY LO FORTALECE LASONAN ENTRE ISLANAN ABC

Partido MEP: AVP y Carl Giel ta contra progreso pa San Nicolas: PROYECTO FAST FERRY LO FORTALECE LASONAN ENTRE ISLANAN ABC

by Admin
0 comment 55 views

 

 

Partido MEP semper ta apoya firmemente e desaroyo pa San Nicolas. Awo cu MEP ta den gobernacion di coalicion, a presenta su vision innovativo pa San Nicolas na unda lo trece crecemento economico pa progreso y bienestar di e pueblo di San Nicolas y Aruba en general. Un proyecto grandi pa San Nicolas ta e Proyecto Fast Ferry cu e meta pa fortalece e lasonan comercial, economico y social entre Aruba y Corsou.

 

Partido MEP ta haya lamentabel e hecho cu un biaha mas, Partido AVP y señor Carl Giel muy en especial tur dia ta lanta cu e meta riba nan agenda pa ataca e Proyecto Fast Ferry, un proyecto bunita cu ta destina pa trece union den varios aspecto pa nos pueblo. Pa 8 aña, Gobierno di AVP a pone yen di klinkers riba camindanan di San Nicolas y awo Gabinete Wever-Croes ta trece proyectonan cu di berdad ta trece progreso pa e pueblo di San Nicolas.

 

Señor Carl Giel no ta desea di mira progreso pa San Nicolas. Awo te hasta señor Giel a investiga su mes loke e Fast Ferry por significa pa Aruba, solamente cu Carl Giel no por a haya un motibo valido pa su oponencia. Parce cu Carl Giel a uni su mes na ex-Minister Benny Sevinger y a investiga via di Google y a busca e artributonan di speedboat y no di un Fast Ferry.

 

Mientras cu e Minister encarga cu e Proyecto Fast Ferry, Chris Romero, a busca profesionalnan riba e tereno di Fast Ferry, a reuni cu mandatarionan di Corsou y Boneiro kendenan tambe a busca profecionalnan pa investiga e beneficionan di un Fast Ferry entre e islanan ABC.

 

Fast Ferry ta un proyecto cu Gabinete Wever Croes y, particularmente Minister Chris Romero, semper a apoya firmemente for di nan trabou den Parlamento. Awo den su calidad di mandatario encarga cu e cartera di Transporte, Minister Chris Romero ta comprometi p’e Proyecto Fast Ferry bira un realidad pa trece progreso y bienestar economico pa San Nicolas y Aruba completo.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio