Heart-Centered Leadership Foundation ta organisa, bao capa di su plataforma di hoben Aruba Youth Impact! un encuentro pa hobennan unda e tema di dia lo ta conscientisacion riba e topico di abuso.
Impact Café ta un rato social pa hobennan por trece nan perspectiva dilanti di diferente topico cu nan ta haya importante. Impact Cafe ta basa riba e modelo di ‘World Cafe’, unda ta emfatisa e importancia di conbersacion pa yega na solucionnan pa resolve y mehora situacionnan cu ta pasa den communidad.
Den luna di juli a organisa tres Impact Cafe riba e topiconan cu ta parece den derecho di mucha: educacion, participacion, proteccion y salud. Durante e encuentronan aki, e tema di abuso a bin dilanti y hobennan a comparti nan solucionnan pa cuminsa traha riba prevencion di abuso na Aruba.
Impact Cafe: ‘Speak Up For The Future Against Abuse’ ta tuma luga diaranson, 26 september 2018 di 2:30 pm pa 5:00 pm na Teresita Center, San Nicolas. Participacion ta gratis y participantenan lo ricibi algo di come y bebe durante e actividad. Edad di participacion ta 14 aña pa 20 aña. Nos ta haci un invitacion na hobennan cu lo kier forma parti di e actividad aki: “laga bo bos resona y ban traha hunto riba prevencion di abuso aki na Aruba.” Cupo ta limita dus registra awe mes na [email protected] of via 5942520
Impact Cafe ta wordo co-financia door di CEDE Aruba y ta conta cu apoyo y sosten di Futura Lab y Nacional SDG Comission. E meta di Aruba Youth Impact ta pa involucra hobennan pa ta miembronan activo di communidad door di tuma action: comparti idea y experiencia y traha activamente pa trece cambio y haci un impacto den nan communidad.
To Lead From The Heart
Teresita Center, Bernhardstraat 125, San Nicolas, Aruba| T: +297 584-1211 ǀ C: +297 594 1211 |
E: [email protected] Website: www.hclfaruba.org ǀ KvK # S 997 ǀ Tax # 5026755
Bank Acc.: CMB # 63197010