53
Diasabra ultimo a logra forma e dos teamnan pa e di 7 TK5 di Corsou. Despues di basta tempo ta train cu hopi atleta cu a bin y hopi cu a bay. Master Eric Barry di San Nicolas Taekwondo Center tabata presente y a logra forma un team di Cadet cu ta muchanan di edad entre 12 pa 14 y e team di Junior cu ta muchanan di edad entre 15 pa 17.
Training a cuminsa for di April y a focus ariba e miho atletanan cu Aruba por tin den e categorianan y awe nos a forma un team cu e siguiente atletanan: Den e categoria di Cadet Samuel Rosales di Grand Master Chaco Cornelio su scol Noord Taekwondo Center. Mayron Adams di Master Eric Barry su scol San Nicolas Taekwondo Center. Danon Delamore, Joshua Klaber y Rasheed Lowe di Brazil Taekwondo Stichting.
Den e categoria di Junior tin e siguiente atletanan: Shaquille Barry, Bryan Charles, Jimmy Constant y Darishan Molina di Master Eric Barry su scol San Nicolas Taekwondo Center. Hakeem y Rasheed Lowe di Brazil Taekwondo Stichting.
Zahyon Klaber y Jourde Klaber ta bay coach cu nan amplio experencia den e TK5. Sin lubida prensa di Aruba cu semper tey pa trece e cobertura life pa e pueblo di Aruba bibo y directo for di Corsou dia 3 di November 2018.