Home » Durante su biahe di trabao: MINISTER XIOMARA RUIZ MADURO A REUNI CU CONSUL GENERAL DI REINO HULANDES NA MIAMI

Durante su biahe di trabao: MINISTER XIOMARA RUIZ MADURO A REUNI CU CONSUL GENERAL DI REINO HULANDES NA MIAMI

by Admin
0 comment 52 views

ORANJESTAD – Minister di Finansa, Asuntonan Economico  y Cultura mr. Xiomara Ruiz-Maduro a reuni cu e Consul General di Reino Hulandes na Miami, sra. Gera Sneller.

Durante e reunion a toca diferente topico, entre otro, e sosten cu e Consulado por brinda na Aruba su inversionistanan interesa den haci negoshi den e parti Sur di Merca, cual ta e area cu e Consulado General na Miami ta cubri dentro di e netwerk di Consulado y Embahada di Reino Hulandes na Merca. A elabora riba e parti logistico entre Miami y Aruba y e retonan cu tin den esaki.

Otro tema cu a atende ta di ‘rising water levels’ a causa di cambio climatologico cu no ta un reto solamente pa islanan manera Aruba, pero tambe areanan costal manera Florida. Otro topiconan cu ser papia di dje, ta e contacto den e mundo di turismo crusero, e Sister City Agreement cu tin entre Oranjestad cu Doral cu ta brinda oportunidad pa comercio y misionnan cu ta atende cu e tema di logistica di Food and Beverage.

Minister Ruiz-Maduro a keda hopi satisfecho di por a reuni cu sra. Sneller y a indica na e Consul General e deseo pa por traha na un manera mas estrecho cu otro dentro di Reino riba e topiconan di interes mutuo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio