Home Police A laga pober hefboom na centro deportivo Simeon Antonio/Kas Paloma

A laga pober hefboom na centro deportivo Simeon Antonio/Kas Paloma

 

 

ORANJESTAD, ARUBA: Manera ta conoci cu habitantenan banda di e Centro Deportivo Simeon Antonio/Kas Paloma tabata sufri hopi molester di antisocialnan cu ta bai riba e parkeerplaats di dicho centro i ta drift. Esei a trece cu ne cu e habitantenan a cuminsa manda carta.

Despues di algun añanan i despues di bastante cartanan  manda tanto pa KPA, Ministernan, DOW i Fundacion Facilidadnan Deportivo “FFD”, polis di barrio di Santa Cruz a tuma e iniciativa pa trece tur departamento hunto pa cumpli cu e peticion di e habitantenan di barrio cu tabata sufri hopi molester di e drifting cu tabata tuma lugar riba e parkeerplaats di dicho centro deportivo. Den bon cooperacion cu sr Di-Stefano WERNET di LOTTO pa deporte cu a tuma e parti di cubri cu tur gastonan, sr Junior TROMP di FFD cu a coordina e trabaonan hunto cu sr Marlon Croes di DOW pa asina awe e compleho por ta hermeticamente sera cu hefboom i baranca .