Nuñe – Diamars 10:30 a.m, varios patruya y tambe recherche tawata tras di un auto, den e vehiculo lo tawata tin un homber busca pa autoridad.
E homber busca lo ta Shawn Kock.
Mirando cu e homber aki ta peligroso y lo por tin arma polisnan tawata atento y cauteloso.
Despues di a sigui e auto aki pa un rato, patruya ta yega su tras na un adres na Nuñe.
Por a mira agentenan baha cu arma na man y bay ariba e vehiculo. E personanan den dje no a haya chance di baha.
Agentenan a ordena ambos pa baha y pone man ariba e auto.
A resulta cu e homber di Fam Kock, no tawata den e vehiculo.
Agentenan a splica e habitantenan un ke otro y kizas un disculpa pa despues sigui nan caminda.
Shawn Kock weekend cu a pasa lo a purba dal un agente policial cu auto, durante cu e agente tawata haciendo su trabou.
Siman pasa na Casibari, momento cu team special di polis a detene su ruman di Fam Angela cu tawata wordo busca, elo a menasa e mes un agentenan aki cu morto.
Despues di e incidente weekend pasa, elo a bay sconde.
Informacion cu nos ta dispone di dje, ta bisa cu Shawn Kock lo a entrega su mes algun rato despues di e confusion na Nuñe.