Home » Despues di a sold out 700 Jeon Special Tickets den 1 ora CARCHINAN ‘EARLY BIRD’ PA ISLAND TAKEOVER FESTIVAL TA SALI NA BENTA AWE DIAMARS!

Despues di a sold out 700 Jeon Special Tickets den 1 ora CARCHINAN ‘EARLY BIRD’ PA ISLAND TAKEOVER FESTIVAL TA SALI NA BENTA AWE DIAMARS!

by Admin
0 comment 69 views

 

ORANJESTAD: Diamars mainta lo sali riba mercado e carchinan den e categoria di Early Bird. Cu esaki Aruba por sali y busca nan carchi pa mira J Balvin, Bad Bunny, Alex Sensation y Jeon dianan 1 – 4 di November 2018 na Aruba. Diasabra mainta ultimo filanan largo di hende a para pa probecha di un prijs special (Jeon Special). Den un tempo record di 1 ora y 15 minuut, tur 700 carchi cu tabata disponibel a wordo bendi. Awor e carchinan ‘Early Bird’ lo ta obtenibel na Citgo Boulevard, Citgo Palm Beach, Citgo Essoville y na Superfood. Seccion general ( AITO General Pass): 85 florin y Seccion VIP Standing (Aito VIP Pass)  250 florin pa persona. Cu e ticket di Seccion di VIP Standing e persona tin acceso na tur 4 dia di e festival. Asina cu e carchinan di Early Bird caba, e prijs lo sigi subi. Pa e motibo aki ta recomendo tur hende pa cumpra nan carchi diamars mes.

Ora ta papia di 4 dia di festival nos ta referi na e ‘Welcome Party’ Diahuebs dia 1 di November, sigi pa e concierto mes cu lo ta Diabierna dia 2 di November na Harbor Arena. Diasabra na Renaissance Pool Party y na Surfside Beach lo tin e famoso fiestanan presenta pa EF y Partai cu e genero electronico. Diadomingo tur cos ta termina cu e closing party cual tambe lo ta riba beach cu musica varia.

Por a tuma nota cu tin hopi pregunta si pa e evento aki lo tin mesanan vip. Esaki nos por a compronde cu lo ta e caso. Pa informacion di mesa mester jama 569-6446.

Organisadornan esta Elite Empire Entertainment a tuma nota cu tin un interes sumamente grandi for di Aruba pero tambe den exterior. Entre otro Colombia, Venezuela y Merca cu lo ta biahando pa por mira J Balvin, Bad Bunny, Alex Sensation y Jeon. Naturalmente lo tin hopi otro atraccion cu lo sa di hasi un exito total di e fin di siman aki di Island Takeover.

 

E prome edicion di Aruba Island Take Over (AITO) ta presenta pa Aruba Tourism Authority (ATA), Aruba Trading Company, SETAR N.V., Elite Empire Entertainment, EF, Aruba Marriot Resort, Top Drive, Hilton Aruba Caribbean, Hyatt Regency Aruba Resort, Fun Miles, Renaissance Aruba Resort  y Super Car Rental.


Pa mas informacion, line-up di artista, compra di tickets y mas bishita www.islandtakeover.com of www.facebook.com/islandtakeover.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio