Playa Pabao – Directiva di Centro di Bario Playa Pabao ta informa cu sra Abigael Arends ta organisa diferente anochi di informacion den nos Centro. Sra Arends ta un profesional certifica riba diferente area di desaroyo humanano tanto personal, laboral y spiritual. Nos comunidad ta conbibi cu problemanan finaciero, pareha, di famia di desaroyo di e mucha, hoben y adulto.Nos ta invitabo pa bin participa y inverti den bo mes y enrikeciendo bo conocimento riba temanan di interes. E anochinan di informacion ta diabierna 14 di september sigi pa 18 y 25 di september. E ultimo anochi di informacion ta 2 di oktober. Temanan cu lo wordo trata ta: desaroyo humano di bo yiu, solucionan conflicto y compartacion cu por escala negativamente y guia con pa maneha bo placa. E nochinan di informacion lo cuminsa pa 7’or pm y lo termina pa 9’or pm. Lo cobra e suma di awg 25.00 pa anochi y esnan cu ta participa na e 4 anochinan ta recibi un certificado. Pa inscripcion y informacion por yama 740 8870 of 593 8470. Inverti den bo mes y participa na e anochinan di informacion.