Comision Nacional Celebracion, consisti door di representantenan di tur parokianan di nos pais, a reuni varios bez pa prepara e programa festivo na honor di nos Patronal Mama Santisima Virgen Mama Maria di Alto Vista. E ta e fiesta Nacional Catolico di mas grandi cu ta ser celebra tur aña. 
E aña aki Reverendo Vicario Andres a hinka e programma den otro y ta lo siguiente: 28 september Parokia di Noord, 29 september parokia di Paradera, 30 di september parokia di Savaneta, 1 di october parokia di Tanki Leendert, 2 di october parokia di Dakota, 3 di october parokia di Brasil, 4 di october parokia di San Nicolas, 5 di october parokia di Oranjestad, sigui pa adoracion Nacional, 6 di october parokia di Santa Cruz, sigui pa vigilia. 
E nobena Nacional ta tuma lugar tur dia na Kapel di Alto Vista mes y parokianan ta bin na e sitio santo y sagrado aki pa duna den nomber di nan parokia un bunita homenahe e dia cu nan ta na turno. E nobena Nacional ta cuminsa tur dia pa 5:30’or di atardi sigui pa un Santo Sacrificio solem canta. 
Dia 7 di october  ta e gran celebracion ta dia di nos Patrona stima Mama Maria di Alto Vista, Reina di Santo Rosario. E dia aki tur parokia lo ta presente cu Vicaro y nan respectivo Pastoornan.  E Santo Sacrificio di Misa ta cuminsa pa 6’or di atardi y ta bai uno solem canta, cu un coro Nacional dirigi pa señora Lila Richardson. 
Durante e Nobena y e celebracion nos lo reza, pa nos Gobernantenan, pa nos hobennan, pa esnan cu ta den mal caminda, pa e uso di tur clase di droga termina ariba nos pais, pa seguridad di nos hendenan, pa union familiar, pa abuso di mucha y hende termina, pa nos Papa y cleronan, ariba tur cos pa Paz den famia, aki na Aruba y den mundo. 
Pa organisa un gran evento asina mester di cooperacion y contribucion financiero, specialmente cu na Alto Vista no tin coriente ta pesey nos mester gradici Minister mr. A. Bikker, Minister señor O. Oduber, Minister señor C. Romero, Cerd n.v., Compra n.v. seor H. Dirksz, Triple A n.v., Setar n.v., señor Rudy Croes y Odallys Croes Dominguez, señor Humphrey Croes y Marisol Croes Marchena, señor William Cheng, Señora Mayrin Croes, Aruba Bank n.v., Notario mr. M. Tromp Figaroa, Botica Paradera, señora Selima Maduro Halabi di Subway n.v., señor Geo Croes, señor Felipe Croes. 
Na e pueblo di Aruba ta ser pidi pa haci e dianan aki y specialmente tur fielnan un berdadero fiesta na honor di nos patrona stima Santisima Virgen di Alto Vista nos Patrona stima. Kapel di Alto Vista ta keda e sitio Santo y Sagrado mas tima tanto pa nos mes un hendenan como nos bishitantenan.