Paradera: Diabierna anochi algo pasa di 8’or un hoben ta drenta den e supermercado Cheng Xing na Paradera y ta puntra unda e reki di bebidanan alcoholico ta.
Nan ta mustre un e reki ta y e ta cana bay unda tin e botternan di palmera y ta pasa man pa un y ta mane dal un buelta chikito den e supermercado y ta gaña pasa na caha, dje e ta sali na careda bay pafo sin paga e botter di rum Palmera.
E doño ta ripara cu e hoben a bay cu e botter sin paga y ta sali na careda su tras, pero segun testigo e hoben a subi un Yaris blanco y a bandona e sitio.
E doño mesora a pidi pa presencia di polis y na yegada polis a tuma datos di loke a sosode y e cara di e ladron a sali hopi cla riba e camaranan di seguridad di e supermercado.
Riba e video por mira bon cla e cara di e ladron y esun cu reconoce ta pidi pa avisa polis mesora, pa asina e hoben por para responsabel pa su acto.