Seroe Colorado: Diasabra den careda di 1’or di marduga un grupo grandi di persona a subi tera ilegalmente na Rodgers Beach.
Patruya di San Nicolas atento, durante patruya den Colony ta mira un homber a core drenta den mondi y mesora nan a bay su tras. E polisnan a logra pone man riba e homber aki, kende ta un persona cu un rato prome a drenta nos isla.
Segun e homber cu polis a detene, ta trata di un grupo di 25 persona cu lo subi tera ilegalmente na Rodgers Beach y cu e boto lo a drenta mas cu un ora pasa caba.
E agentenan policial riba e patruya a logra detene un persona y a mira varios otro cu a core bay.
Varios unidad di polis ta den Colony ta buscando e otro ilegalnan, polis ta para na e entrada di Colony pa controla tur vehiculo cu ta drenta of sali.
Un rato prome Kust Surveillance a pasa haci su control den Colony, pero no a mira nada particular, nan a djes topa cu algun mucha den un auto y mirando cu e auto su papel no tawata na ordo, nan a kita e auto for di e muchanan y a laganan na pia.