Home » Cu hopi anticipacion Aruba Island Takeover Festival cu ‘1 DAY JEON SPECIAL’ UNICAMENTE DIASABRA AWOR PA CONCIERTO DI J BALVIN, BAD BUNNY Y JEON NA SETAR STORE FOR DI 10.30 AM”

Cu hopi anticipacion Aruba Island Takeover Festival cu ‘1 DAY JEON SPECIAL’ UNICAMENTE DIASABRA AWOR PA CONCIERTO DI J BALVIN, BAD BUNNY Y JEON NA SETAR STORE FOR DI 10.30 AM”

by Admin
0 comment 60 views

 

ORANJESTAD: Despues di a confirma tur deyate di e festival tan spera, esta, “Aruba Island Take Over” (AITO), e organisacion a anuncia cu lo tin un total di 700 ‘Island Takeover Pass’ bou di nomber di “JEON Special” pa solamente 75 florin seccion general y 225 florin Standing VIP. E prome entradanan aki lo ta disponibel unicamente na Setar Store (Caya Betico Croes), riba diasabra 8 September cuminsando 10:30 am. Ta premira cu lo tin filanan di hendenan ja cu Aruba completo ta desea di mira artistanan manera J Balvin, Bad Bunny, Jeon y Alex Sensation.

 

E prijs special aki ta un regalo exclusivo di JEON pa henter a comunidad di Aruba cu a sostene durante henter su trayecto como artista. “JEON a percura pa e por obsekia un Island Takeover pass na un super bon prijs pa tur su fanaticonan cu kier ta e prome pa sigura nan entrada y t’ey presente durante e festival aki”, asina Larissa Bermudez representante di Aruba Island Takeover a splica.

 

Tanto JEON como henter e organisacion di “Aruba Island Take Over” ta recorda henter comunidad cu ta desea di cumpra e asina yama “Super Early Bird JEON Special”, pa yega trempan na Setar Store situa na Caya Betico Croes, paso ta un cantidad limita so lo ta disponibel y principalmente na e prijs di 75 florin pa seccion general y pa Standing VIP e prijs lo ta 225 florin. Cu e VIP ticket aki bo lo ta ful dilanti di e escenario y ta dunabo accesso na tur 4 dia di festival. Esaki ta inclui e ‘Welcome Party’, Concierto, ‘Pool Party’, y fiesta di clausura riba beach,

 

Setar NV ta hopi contento di por ta parti di e evento grandi aki y durante di e ‘1 Day Jeon Special’ nan lo reparti e popular ‘Pop Sockets’ pa esnan cu cumpra nan carchi diasabra awor.  E cantidad lo ta limita!

 

Di November 1 pa November 4 2018, Aruba Island Take Over lo ta e anfitrion di entre otro 4 dia di evento rond di nos isla di cual e evento principal ta e concierto diabierna dia 2 di Novemnber den Harbor Arena. Aruba completo lo presencia pa prome biaha nos artista local JEON riba escenario hunto cu JBalvin , Bad Bunny y Alex Sensation na Aruba.

 

E prome edicion di Aruba Island Take Over (AITO) ta presenta pa Aruba Tourism Authority (ATA), Aruba Trading Company, SETAR N.V., Elite Empire Entertainment, EF, Aruba Marriot Resort, Top Drive, Hilton Aruba Caribbean, Hyatt Regency Aruba Resort, Fun Miles, Renaissance Aruba Resorty Super Car Rental.

E festival aki lo tuma luga di 1 te 4 di November 2018. Pa mas informacion, line-up di artista, compra di tickets y mas bishita www.islandtakeover.com of www.facebook.com/islandtakeover. Pa informacion VIP y reserva mesa yama na 5696446.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio