Boegoeroei – Diaranson mainta, den careda di 11’or un agente policial di e Motor Brigade ta haye envolvi den un accidente di trafico.
E accidente a sosode un poco panort di Fermins Bar.
Segun nos a compronde na e sitio, e chauffeur di e pick up GMC bayendo zuid a bay bira na su man robes.
Loke e chauffeur no a pone atencion tawata si tin trafico patras.
E agente lo a bay pasa e pick up net momento cu esaki ta birando, causando cu e agente a bay cay e brommer.
Den e caida e agente a herida ambos pia.
Ariba e caminda nobo por a mira unda e brommer a lastra, marcando e asfalt.
Ambulance a presenta na e sitio y a controla ambos persona den un ambulance, esta e chauffeur di e GMC y e agente.
Na final e agente a wordo transporta pa hospital.
Yabi di e pick up GMC a wordo kita for di e chauffeur, mirando cu su papelnan no ta ordo.
Ken ta bay core cu gasto di e Harley di motor unit no ta conoci.