Dallas Texas – Un ex juffrouw di skol a wordo sentencia na 60 aña di prison, door di tawata tin relacion sexual continuamente cu un mucha homber di 11 aña.
Juffrouw Jessica Jewel Corin Benton a wordo gara september 2016 door di un alumno, momento cu e tawata bezig cu e mucha homber. E alumno cu a mira kiko tawata pasando a bisa su mama manera ela yega cas. Mes ora e mayornan a avisa autoridad.
Mes ora a start un investigacion cu a conduci na detencion di e juffrouw di skol. A bin sali na cla cu e caso tawata tin ya algun luna pasando.
E mucha homber lo a wordo mas o menos 10 biaha abusa door di e juffrouw di skol.
E mucha homber tampoco tawata su alumno, pero amigo di e juffrouw su yiunan. Benton a declara na polis cu ela pensa cu elo por cuminsa un relacion largo cu e mucha.
Den corte e hurado no tawata mester mucho tempo pa a haye culpabel di e cargonan presenta.
E juffrouw tin di un condena awor di prison di 60 aña, y sin chance di sali prome.
