Den cuadro di mehoracion di procesonan y pa brinda un mihor servicio Departamento di Aduana Aruba kier a trece na atencion di un y tur e procedura pa entrega keho via di nos website www.douane.aw.
Pa medio di e procedura aki nos como organisacion ta desea di haya feedback di nos clientenan y pasaheronan y siña di situacionnan pa asina nos por mehora nos proceduranan y brinda un mihor servicio.
Na momento cu un persona tin un keho di un procedura of di un empleado nos ta conseha pa e entrega un keho oficial por escrito via di nos website www.douane.aw. E unico procedura oficial pa entrega kehonan ta esun por escrito via e formulario riba nos website. Pa medio di e website e Klachtencoordinator di Aduana por verifica e identidad di e persona entregando e keho. Nos tin di remarca cu tur keho cu wordo entrega lo wordo procesa cu confidencialidad y un investigacion riguroso lo tuma lugar.
Na ki momento un persona por entrega un keho?
- Na momento cu un persona no ta satisfecho cu e trato of negligencia di Departamento di Aduana como organisacion of
- E persona of cliente no ta satisfecho cu e trato ricibi of e negligencia di un empleado di Departamento di Aduana.
Con un persona por entrega un keho?
E persona cu entrega un keho por hasi esaki via di nos website www.douane.aw. Nos ta conseha tur persona na cualkier momento cu entrega un keho di un ambtenaar pa pidi e ambtenaar pa identifica su mes. Tur ambtenaar tin e obligacion di identifica nan mes. Den caso cu un situacion escala semper e persona por pidi pa papia cu e wachtmeester of dienstleider na e momento ey.
Nos ta pidi tur persona cu entrega un keho pa ta lo mas especifico posibel di e caso, por ehempel: vuelo, dia y orario di e sucedido, nomber di ambtenaar, number di declaracion, factura. Banda di tur e datonan aki e Klachtencoordinator lo bai verifica e identidad di e persona cu a entrega e keho y lo pone e persona na altura di e etapa di e procedura di e keho y lo wordo notifica na momento cu e keho a wordo clausura y ki decision a wordo tuma.
Pa mas informacion con pa entrega un keho por lesa mas riba nos website:
Na hulandes: https://www.douane.aw/klacht–indienen/
Na ingles: https://www.douane.aw/en/complaint–form/
Na spaño: https://www.douane.aw/es/formulario–de–queja–y–reclamos/
Den caso cu tin cualkier pregunta over di e procedura of ta desea di duna feedback por hasi esaki libremente via di nos emailadres: [email protected].
