Kamerlingh Onnesstraat – Diadomingo anochi den careda di 11’or pasa polis a bay e crusada conoci di R.C.A, caminda diaramente tin accidente di trafico ta sosode.
Diadomingo anochi no a scapa, caminda un otro boksmento a tuma luga. Manera den mayoria di e casonan, preferencia no ta wordo duna.
Na e sitio polis a cu un Toyota Yaris color blanco y un Toyota Tercel colo berde.
Parti patras na banda di e Yaris cu tawata para mey mey caminda mas pazuid a sufri daño.
Pa loke ta trata chauffeur di e Tercel, polis a ripara cu ela bebe y a pidi pa un aparato di supla yama Alcohol Sensor.
Algun minuut despues, transportwagen a yega cu e aparato y agentenan na e sitio a pone e chauffeur supla.
Manera nan a sospecha, e chauffeur a bebe bastante y esaki a sali den test esta cu ela pasa e limite stipula pa ley. Ela wordo deteni y e agente manera mester ta a bise su derechonan y a hibe warda di polis na Playa.
