Palm Beach: Diadomingo algo pasa di 3’or, polis ta wordo manda cu urgencia na Sandbar pa motibo cu un persona a wordo hinka.
Na yegada nan ta wordo informa cu e persona hinka, a wordo hiba cu un Jeep Wrangler pa Hospital.
Mientras algun patruya di polis a bay na hospital pa busca mas informacion, algun patruya tambe a bay na e parkeerplaats pabou di Sandbar pa busca mas informacion.
E informe cu nan a ricibi. ta cu tabata tin un pelea y e victima den e pelea a wordo hinka pa un persona y cu despues cu ela hinke, aparentemente elo a subi un Pickup Hilux cora un poco bieu y a bay for di e sitio.
Na Hospital e victima ta fayece, e amigonan di e victima tabata na yoramento y e patruya na hospital a pidi pa presencia di Slachtofferhulp, tambe a manda yama e famia di e victima.
E auto di e victima a keda confisca y takelwagen a transporte pa Warda. E hoben cu a fayece ta di inicial C.S. di 22 aña.
Arubanative.com ta manda palabra di condolencia na famia di e victima.
