Anna Paulowna, Noord Holland: Tres hoben ta muri den un accidente serio na Anna Paulowna,den e auto tabata tin 5 hoben, di cual tres a fayece na e sitio, ta trata di dos mucha homber di 16 aña y un di 15 aña. E otro dosnan a keda seriamente herida, cual ta un mucha muher di 17 aña y un mucha homber di 20 aña,
E 5 hobennan tabata coriendo den nan auto, Diabierna anochi pa Diasabra marduga y pa un motibo of otro nan lo a perde control y a dal contra un palo di lus. Segun polis local, e impacto tabata hopi fuerte y a saca algun di ocupantenan benta riba caminda.
E tres mucha hombernan cu a fayece, na prome instante a wordo reanima door di e personanan cu tabata na e sitio, pero nan situacion tabata hopi critico cu no por a haci nada mas pa nan y nan a fayece na e sitio.
No ta conoci ainda ken tabata stuur e auto, pero investigacionnan ta andando y tambe a coi sanger di e dos heridonan pa haci mas investigacion.