Palm Beach: Diadomingo algo pasa di 3’or di marduga, a sosode un caso serio di hinkamento, riba e parkeerplaats pariba di Sopranos.
Mesora e amigonan di e victima a hinke den auto y a hibe hospital, caminda un rato despues e hoben a fayece.
Polis a bay na cas di su mayornan y a pidinan pa bin hospital cu urgencia. Slachtofferhulp tambe a wordo pidi pa yega na hospital.
E tata di e hoben a drenta paden y a confirma cu ta su yiu.
pa 3’or y 29 di marduga, Dokter ta constata morto di Camilo Alejandro Carreño Sosa, naci dia 28 di September 1995.
E curpa a wordo tuma den beslag, e auto tambe a wordo tuma den beslag pa mas investigacion.
Camilo na bida tabata traha na un restaurant den hotzone mes.
Arubanative.com kier a extende su mas profundo palabra di condolencia na famia di Camilo y cu Milo sosega na paz
