Cacho ta keda man’s best friend. E mihor amigo di hende ta cacho.
Burriana, Castellon, Spaña; Un anciano di 75 aña, a bay keda algun dia cerca su famia na Burriana, e anciano cu ta sufri di e malesa cruel di Alzheimer a dicidi di sali bay dal un cana y a perde caminda di cas.
Fransisco di 75 aña, kende ta sufri di e malesa di Alzheimer no tabata sa con pa yega bek na cas di e famia, unda e tabata kedando. Ela perde y a yega na un lugar bandona unda ta mula maishi, na e pueblo di La Bota.
Horanan a pasa sin cu e anciano a regresa cas, segun e famia, Fransisco ta sufri di Alzheimer y a bin pasa algun dia di vakantie cerca nan.
Nochi a cera y a cuminsa teme pa su bida, a manda e informacion rond, na e pueblonan den cercania, polisnan tabata tira bista, pa mira si nan lo por localisa Fransisco, pero tabata teme pa lo peor.
Autoridad a peiña full e area aki den oranan di marduga pa mainta.
Pa su mayan den oranan di mainta ela wordo haya, pero al contrario na tur e temor y preocupacion cu famia y autoridad tabata tin, nan a bin topa e homber acompaña pa un cacho di caya, cu segun e homber for di momento cu ela desaparece e cacho aki a keda cune y no a bandone pa niun seconde.
Un cacho di caya sin doño, cu a pasa henter anochi ta cuida e anciano, sin hala for di su banda. Ora e homber a wordo localisa e ta tabata tin señalnan di hipotermia y tabata mustra basta desorienta, mesora a pidi pa un ambulance.
Na momento cu ayudo a yega, e homber mester a subi ambulance, e amigo di 4 pata di e homber tambe a dicidi cu e sigui compañia su amigo y pa nada di mundo no ta laga su amigo na caya. E tambe a subi den ambulance hunto cu e anciano.
Mirando cu e no tabata tin un banchi y no tabata tin doño a yama dierenbescherming pa bin buske y pa e wordo poni pa adoptacion. Mesora e famia a reconoce e noble hecho di e cacho y no a pensa ni dos bes, mesora nan a adopt’e y e cacho awo a haya un hogar, caminda sigur elo wordo bon recompensa pa su noble causa.
CACHO TA KEDA E AMIGO FIEL DI HENDE.