Home » Gobierno di Aruba ta gradici un hereo di nos mesun tera: ANTHONY CROES TAWATA E PERSONA CORECTO NA E LUGA PRESISO

Gobierno di Aruba ta gradici un hereo di nos mesun tera: ANTHONY CROES TAWATA E PERSONA CORECTO NA E LUGA PRESISO

by Admin
0 comment 100 views

 

Heroenan ta aparece ora menos hende ta spera. Den caso di un mucha muher di 7 aña, un heroe a aparece den forma di un hende homber Arubiano kende tawata e momento ey e persona corecto na e momento presiso.

 

Anthony Croes no a pensa dos biaha pa para su truck na banda di caminda ora cu el a nota un accidente grave su dilanti y cu tin un mucha envolvi. Cu conocemento di CPR cu el a obtene tempo cu e tawata un boluntario na Rode Kruis, señor Anthony di biaha a cuminsa yuda pa trece e hobencita Yednnielyz Pérez Rivas bek na bida.

 

Anthony a conta di e experiencia cu el a pasa aden 15 di augustus na unda e hobencita di Puerto Rico a keda hopi herida den un accidente di auto y casi a perde su bida. Anthony humildemente ta considera loke cu el a haci algo di un curason pa un curason chikito.

 

Gabinete Wever-Croes no a desea di laga un heroe di nos mesun tera keda sin haya e reconocimento cu e merece. Pueblo di Aruba mester ta orguyoso di Anthony Croes kende a yuda salba un bida di un criatura y duna e famia e alegria cu nan ser keri a wordo salba di un situacion asina grave.

 

Prome Minister Evelyn Wever-Croes: “Masha danki Anthony, bo ta nos heroe. Bo tawata e persona corecto na e momento presiso. No ta cualkier hende por a haci loke abo a haci cu bo conocemento den un momento fuerte y kedando calmo pa asina yuda salba bida di e criatura aki. Gobierno di Aruba ta gradici bo den nomber di Aruba pa bo yudansa den un situacion asina duro.”

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio