ORANJESTAD, 30 di Augustus 2018 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina empleadonan ehemplar tur luna. E empleadonan cu ta scogi ta esunnan cu durante di e luna a haci nan maximo esfuerso pa brinda momentonan superior na tur esunnan cu bishita Aruba Bank of haci uzo di un manera of otro di un servicio di banco. Luandho Deluvia ta e empleado cu a ser selecciona durante di luna di Augustus.
Sr. Luandho Deluvia, Administrative Officer, ta percura pa su servicio superior ta uno cu lo refleha den e resultado final di su trabou den e organisacion. Su entusiasmo pa semper bay e “extra mile” y tur ora ta cla pa yuda su coleganan, ta e motibo di su nombracion.
Aruba Bank ta felicita y gradici Luandho Deluvia.
