Adicto ambulante conoci di polis ta wordo gara hortando den un auto

Un habitante na un cas na Boegoeroei ta bin topa cu un ladron den su auto, mesora e ta pidi pa presencia di polis cu urgencia.

Hopi liher polis ta yega na e cas.

Na yegada nan ta topa cu e conocido di nan, mesora e agentenan ta detene y ta pidi pa transport. E ta wordo transporta cu transportwagen pa Warda di polis na Shaba.

E homber aki tin un problema di adiccion, e ta circula hopi den area di Supermercadonan, e weekend cu a pasa e tabata den area di Shiribana, y te hasta un Supermercado mester a yama polis pe, paso e tabata molestia cliente, pidiendo placa.

E persona aki mester di un ayudo profesional pe sali for di su adiccion. E no ta solamente causa hopi molester, pero ta pasa horta den autonan tambe.