Oranjestad: Diamars 21 di augustus, e canal di television Telemundo, a manda un reportero Jose Esteves y Tony Rondan pa Telenoticias di Telemundo Puerto Rico.
Telemundo, Puerto Rico ta Canal 2, ta un cadena di televisión cu ta wordo opera pa Telemundo, Telemundo Puerto Rico ta staciona na San Juan. E station di Television ta propiedad di NBC y ta un subsidiario di NBC Universal. E canal di Telemundo Puerto Rico ta wordo mira tur caminda na Puerto Rico, e isla ta conta cu mas di 3 miyon habitante.
E motibo di e bishita di Telemundo Puerto Rico na Aruba tin di haber cu e accidente tristo cu a sosode dia 15 di Augustus ultimo, den cual un mucha muher Jednnielys Pérez Rivas di apenas 7 aña tabata envolvi, y kende a keda gravemente herida unda ela perde parti di su pia.
E contacto entre Telemundo cu Arubanative.com a nace na momento cu Telemundo tabata busca imagennan di e accidente y a subi diferente website di noticia pa mira ki potret of video nan por a haya.
Janet Fantauzzi, assignment Desk Supervisor a escohe e video cu Arubanative.com a publica, segun su persona e video aki no tabata tin imagen grafico y e calidad tabata hopi bon pa por a wordo pasa na Television. Naturalmente nan a contact Arubanative.com pa pidi permiso pa usa e video aki y a gradici Arubanative.com tambe pa permiti nan usa e video aki.
Dia 21 di Augustus, team di Arubanative.com a wordo acerca un biaha mas pa Telemundo Puerto Rico, bisando cu nan lo manda un reportero y su camaraman, pa bin busca mas informacion di e accidente aki y si Arubanative.com lo por yudanan cu esaki.
Dia 22 di Augustus nan a yega cu American Airlines y a bay na e sitio unda e accidente a sosode, eynan nan a papia cu Anthony Croes, kende tabata un Arubiano, kende a yuda e mucha cu CPR, un persona cu a duna di su parti pa a salba e criatura di apenas 7 aña.
Pa su mañan den oranan di mainta nan a bay bishita e parti nort di Aruba y na Natural Bridge a topa cu turistanan procedente di Puerto Rico cu tabata riba e crucero Freedom of the Seas, cual ta e mesun crucero cu e siman anterior e mucha tabata riba dje.
E reportero Jose Esteves a entrevista varios famia turista na Natural Bridge, pero no tabata tin ningun reacion negativo di Aruba.
Den oranan di merdia e reportero cu su camaraman a bishita Dr. Hubert Tromp, Cirugano y Traumatologo, kende den un entrevista a duna e reportero di Telemundo un bon splicacion y detaya di loke a pasa, con e criatura a yega hospital y con ela sali cu air ambulance pa Puerto Rico.
Segun nos a compronde e mucha ta den coma ainda pa e por recupera y e ta bayendo hopi mihor.
E bishita di e canal di Television Puertoriqueño tabata pa busca e otro banda di medaya of pa haya mas informacion tocante kiko exactamente a pasa cu e mucha dia 15 di augustus ultimo.
Por medio di arubanative, a acerca vocero di polis, pero segun e vocero no por papia tocante e accidente aki paso e ta bou investigacion.
Por medio di Arubanative.com a trata na acerca e paramediconan,pero nan superior no a permitinan haci un entrevista, tambe vocero di polis no a wordo permiti pa papia cu prensa internacional, pa motibo cu e accidente ta bou investigacion y ta cay bou MInisterio Publico, pero Fiscal tampco no tabata kier a papia cu prensa internacional.
Tambe a trata di yega den contacto cu Minister di Husticia y Minister di Turismo pero nan agenda tabata hopi yen y tawata basta ariba man pa por a traha un cita cu nan.
Mester bisa un danki na Dr. Hubert Tromp cu si mesora tawata dispuesto pa a bay den un entrevista, tambe na Anthony Croes y e bishitantenan Puertoriqueño di e crucero Freedom Of the Seas cu nan por a logra haya un poco di e banda di Aruba.
Mirando cu e noticianan aki no ta wordo solamente pasa na Puerto Rico, e chens ta grandi cu loke a wordo graba na Aruba lo wordo pasa na diferente TV stacion di Telemundo rond MErca entre otro New York, Miami, North Caroline, California etc.
