130
Oranjestad: For di prome cu weekend a cuminsa, mientras e preparacionan di entiero di Ski tabata andando, autoridad tabata tin bista caba riba esnan responsabel di e morto di Ski.
Mester bisa, cu e recherchenan a traha hopi duro riba e caso di asesinato aki, pa pone esnan responsabel tras di tralie.
Durante weekend a detene como 3 persona y Dialuna a habri cu mas detencion. E detencionnan a cay na diferente parti di nos isla, entre otro na Mahuma, Casibari, Mon Pos.
Entre e 5 personanan cu a keda deteni, tin 3 homber cual un ta menor di edad y tin dos muher cual un tambe ta menor di edad.
Nan ta cera na diferente warda di polis y tur ta deteni como sospechoso den e caso di asesinato di Ski.
