156
Cura Cabay Zuid – Diahuebs mainta algo prome cu 12’or un auto stationwagon a wordo horta na Dakota.
Segun informacionnan, e doño lo a baha na Ymca y lo a laga e yabi den e auto.
Esaki lo a sosode basta lihe, caminda cu e ladron a subi y move cu e auto.
Polis algun rato despues lo a haya un tip cu e vehiculo aki ta ariba Green corridor, y probablemente ta bayendo Cura Cabay.
Mes ora varios patruya a cuminsa bay e area di Cura Cabay.
Altura di e bario post, polis a logra haya e vehiculo y ta detene un homber y un muhe.
Patruyanan cu a yega a hiba e personanan den autonan separa warda di Santa Cruz.
E vehiculo un stationwagon, a wordo transporta cu takelwagen, tambe pa warda di Santa Cruz.
