Ponton – Dialuna marduga 1:30 a.m un hyundai accent color blauw ta ranca un palo di lus dilanti e bar restaurant Bow Bow.
Tawata trata di un Hyundai Accent color blauw, cu despues di a ranca e palo di luz a sigui bay nort.
Altura di Wema Ponton polis ta topa cu e vehiculo kibra, y mes ora ta atende cu e chauffeur.
Momento cu polis a papia cune nan por a constata cu e ta bou influencia.
E auto tawata tin daño dilanti y patras. Polis a pidi takelwagen, pa por a hiba e auto warda.
Mientrastanto a pidi pa transportwagen, pa hiba e chauffeur warda.
Caminda e incidente a tuma luga polis mester a cera e caminda den ambos direccion. Ariba caminda tawata tin waya ta colga y tambe e palo di luz kibra benta.
Wayanan cu tawata dal na otro tawata keda saca chispanan basta grandi.
Elmar a yega basta lihe na e sitio, pa asina mes ora nan por cuminsa traha ariba e daño cu e palo di luz kibra.