Oranjestad: Dialuna algo pasa di 12’or di merdia, ta drenta un informe cu Ski ta mustra hopi malo y no tabata mane duna señal di bida. E tabata drumi net patras di Cafe Paddock, camind semper e ta pasa su oranan.
Mesora a manda un patruya y enberdad ora e agentenan a yega, nan a nota cu Ski ya no tabata na bida mas. E polisnan na e sitio mesora a pidi pa Dokter y tambe pa presencia di slachtofferhulp
Informe cu nos a ricibi ta cu despues cu Ski a wordo tira Diasabra marduga ela bay hospital.
Dialuna un rato prome cu ela fayece, ambulance a bay pa trat’e pero e no tabata kier tratamento medico.
Nos di arubanative.com a topa Ski diadomingo anochi laat banda di e Snacktruck candela,e tabata cana cu su bais, direcion pabou y e tabata mustra cu e tin hopi dolor, e tabata trata na subi su bais,pero e dolor fuerte tabata impidi’e di subi bais.
Nos di arubanative.com a trata na papia cune, pa puntre si nos por yude, pero e no tabata contesta nos, aparentemente su dolor tabata hopi fuerte.
Polis tin e area di Paddock cera cu lint y tambe a pidi pa presencia di recherche pa mas investigacion.