Home » Hues a duna Minister Dangui Oduber rason den caso cu Jerry Staring a entama!

Hues a duna Minister Dangui Oduber rason den caso cu Jerry Staring a entama!

by Admin
0 comment 60 views

Minister Dangui Oduber a keda contento y satisfecho cu e veredicto di hues den e caso aki. Hues a tene bon consideracion cu e decision cu a wordo tuma y a reenforsa esaki cu su sentencia. Di e manera aki ta confirma cu e decision cu a wordo tuma ta esun corecto pa cu e proceso di investigacion.

Manera cu por corda algun tempo pasa a ricibi kehonan contra e director di DVG, Sr. Staring. DRH a informa Minister cu ta inevitable cu na DVG lo mester bin un start nobo, pa meramente atende cu e kehonan aki y pa trece trankilidad bek na DVG y cu ta conseha pa bin cu un doorlichting. Despues di a papia cu Sr. Staring a acorda entre otro cune, cu e lo a duna e espacio nesesario pa e trabounan relaciona cu e doorlichting aki tuma lugar. Despues a dune un toegangsontzegging cual e no keda contento.

E mesun dia di decision di hues aki (6 juli 2018), nos a ricibi informacion for di DVG cu e trahadornan na oficina di DVG lo no kier pa Sr. Staring reanuda su trabounan na DVG y a vocifera di lo bai den accion. Banda di esey, desde cu e managementteam a cuminsa cu nan trabou, a cuminsa drenta hopi keho y e trahadornan a informa cu awor sin presencia di Sr. Staring nan ta sinti nan mes liber pa vocifera nan pensamento y kehonan. Mirando e hecho cu ainda e combersacionnan ey tabata andando, cu e investigacion nan tabata wordo haci keto bai y cu un posibel accion di parti di e trahadornan na DVG, a tuma e decision y a informa Sr. Staring cu temporalmente e lo mester eherce otro trabounnan na DVG cu normalmente e ta haci, pa asina mantene tambe e trankilidad den DVG.

Hues a haya importante pa menciona tambe cu mirando e splicacion cu a wordo duna riba e miedo cu tin na DVG, e como director lo por frustra e investigacion cu ta andando. E investigacion aki ta netamente riba e kehonan concreto cu ta tocante di su mesun funcionamento. A base di tur esaki hues a rechasa e demanda di Sr. Staring y a duna Minister rason! Esaki ta trece cune cu temporalmente Sr. Staring mester sigui e instruccionnan di Minister.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio