Sero Pita: Diabierna algo pasa di 6’or di atardi varios patruya di Santa cruz ta wordo manda cu urgencia na un adres na Sero Pita. Pa motibo cu un conoci di nan di inicial R.G. lo a bay haci problema na e cas aki y asina a start un bringamento.
Na yegada e patruya di polis a wordo manda na un otro adres, un cas hopi cerca, unda e conoci di nan R.G. lo ta biba, R.G. tabata hopi altera y ela bisa polis cu ela perde su trabou pa motibo cu ela keda deteni algun dia pasa, Polis a papia cune y a trankilis’e.
Despues polis a bin compronde cu e ruman muher di e R.G. a bay na e cas aki y a bay haci problema. Mesora polis a bay bek na e adres caminda nan a bay prome pa scucha e habitante nan banda tambe.
Despues cu e agentenan a scucha cu e ruman muher di R.G. a maltrata un dama na e cas aki, mesora nan a pidi pa un patruya mas na e sitio pa asisti nan, pa asina nan por detene e ruman muher di R.G.
E dama mes a sali pafor y a keda deteni pa maltrata un otro dama. Na momento cu polis a detene su ruman muher, R.G. tabata keda haci fastioso y tabata basta altera. Polis a hala su atencion y a bise, cu si nan mester haya mas yamada y keho di su comportacion nan lo bin bek p’e.
E dama a wordo transporta cu transportwagen di polis pa Warda di polis na Santa Cruz.