74
Oranjestad – Recien a tuma luga firmamento y entrega di e buki Challenging Leadership na oficina di Aruba Tourism Authority door di Ruben Goedhoop. Aña pasa CEO di A.T.A. Ronella Tjin Asjoe-Croes tawata un di e oradornan na e evento anual di PWC Masterclass ‘Challenging Leadership’. Durante dicho evento, Ruben Goedhoop, tambe tawata un orador y a elabora riba e topico ‘Challenging Leadership’. Esaki el a indica cu lo wordo refleha den un buki, di cual tur presente lo ricibi un copia. Pa tal motibo, siman pasa Sr. Goedhoop a bishita oficina di turismo pa entrega un copia di e buki personalmente na e ekipo di A.T.A. cu a forma parti di e conferencia.