Oranjestad: Informacion no oficial cu nos a ricibi tabata cu e criatura diaranson merdia a wordo opera y lamentabelmente e parti di e pia cu a keda amputa den e accidente no por a wordo salba.
Segun nos a compronde cu e tabata cu su famia riba un crusero Freedom of the Seas, cual crusero a drenta Diaranson mainta na waf.
E criatura a wordo opera, e ta interna den Intensive Care Unit, su situacion ta critico, pero stabiel y mester warda 48 ora pa por bisa mas. E famia mas cu claro incluyendo welo y wela a baha na Aruba, e mama si ta mas mihor y tata ta compañiando su yiu na hospital.
Un situacion sumamente tristo pa un famia, un vacacion familiar riba un crusero cu a caba asina tristo na Aruba.
E mucha ta den man di Dios y a nos como arubiano e unico cos cu nos por haci pa nos bishitante chikito aki ta hopi oracion.