Idris Elba ta un di e nomber nan mas menciona pa ocupa e papel di agente 007, despues di a confirma cu Daniel Craig, e actual James Bond lo tuma su retiro.
No solamente Elba pero hopi nomber a keda menciona como remplazante di Craig, entre otro Tom HIddleston, Henry Cavill, MIchael Fassebender y David Oyelowo.
E rumornan cu Idris Elba lo por bira e agente 007 nobo, ta desde 2014 caba, segun e revista Esquire na momento cu entre e ehecutivonan di sony tabata filtra varios email cu tabata menciona e nomber di Elba.
Si Idris Elba bira e siguiente Agente 007, e lo ta e prome artista color scur cu lo tuma e papel di James Bond. Segun e coproductora di James Bond, Barbara Broccoli: ” ta momento pa un actor cu no ta blancu tuma e rol di James Bond over.
E productor Antoine Fuqua tambe a referi na e rumornan aki bisando cu Idris por bira e siguiente James bond, si e ta den bon forma. Nan ta pidi un tipo cu un presencia fisica y Idris Elba tin esaki.
Elba, di 45 aña, ta conoci pa su papel di Nelson Mandela cu ela interpreta den e pelicula ‘ Mandela: Long walk to freedom’ y tambe su participacionnan den otro peliculanan grandi manera Thor, Star Trek y Avengers.