New South Wales, Australia: Un dama di 30 aña ta perde su bida despues cu su curpa a reaciona malo riba un implante di silicona cu a wordo implanta na su man. E body modifier cu a haci e implante aki a keda deteni.
Awendia un tattoo of un piercing no ta e trend mas, pa esnan cu di berdad kier resalta cu algo hopi apart ta implanta dos cacho riba nan frenta, of memey di nan pecho nan ta pone figuranan manera streya, te hasta tin ta pone un chip bou nan cuero pa por ehempel pa habri nan porta di cas. Implantenan ta cuminsa gana popularidad.
Pero e asina yama modificacionnan di curpa tin un otro parti tambe esaki a sosode cu un dama di 30 aña na Australia, e dama a laga pone un snowflake di silicon den su man y esaki a coy infeccion. E dama a bira hopi malo y a fayece, despues cu ela fayece, e curpa a wordo confisca y e resultado di e autopsia a bisa cu e dama aki a fayece, pa motibo di un infeccion na su man drechi, caminda e implante a wordo haci 3 siman prome cu ela fayece.
E Body modifier y e tattoo artist di e Tattoo Shop a keda deteni. E body modifier ta uno hopi conoci na Australia.
Ciruganonan plastico rond mundo ta preocupa cu e implantenan haci den lugarnan di Tattoo. Segun nan esaki por ocasiona infeccionnan grave y por ta fatal.Nan ta desconseha haci cualkier tipo di implante den lugarnan asina.