Jamanota: Diadomingo pa mas o menos 3’or y 15, ta sosode un accidente den Parke Nacional Arikok, un quadracer lo bolter y un persona a keda herida.
Mesora a manda ambulance y polis na Parke Nacional Arikok.
E persona herida a wordo hiba te na e entrada principal di parke, unda ambulance a tope.
Na yegada di polis, nan a bin compronde cu e persona herida ya tabata wordo atendi pa personal di ambulance.
Na e sitio nan a bin compronde cu enberdad un mucha muher a perde control riba un quadracer y a bolter cu e quadracer. E victima cu tambe tabata riba un quadracer a mira esaki pasa y mesora a bula for di su quadracer pa bay yuda e mucha muhernan y den coremento a cay, ela haya rasca na Elleboog y tambe na rudia ela haya un kap cu lo mester stitch, esaki tabata sangrando hopi.
Despues cu personal di ambulance a trata e mucha homber na e sitio, nan a transporte pa hospital pa nan por cose e corta hundo cu ela ricibi na su rudia.
E mucha muher cu tabata riba e quadracer aparentemente lo a bay cu propio transporte for di e sitio, no ta conoci si e tambe tabata herida y si ela wordo hiba poli.