Home » Boto Venezolano kibra, haya na beach bandona den Colony

Boto Venezolano kibra, haya na beach bandona den Colony

by Admin
0 comment 58 views

Sero Colorado: Diadomingo pa mas o menos 4’or di atardi, un patruya di polis ta wordo manda na Bachelor’s Beach, den Colony.

Na yegada enberdad nan ta topa cu un boto kibra, cu ya polis tabata na altura di dje, esaki a wordo raporta caba diabierna den oranan di mainta.

E boto tabata riba e beach pega contra e baranca. Den e boto ainda tabata tin un termo, botter di plastic bashi, un tas y un boei, mesun tipo di boei a wordo haya na Santana di cacho cu e mesun cabuya berde, algun siman atras.

E boto tabata basta kibra, riba e beach tabata tin varios pida palo cu tabata pertenece na e boto aki. Un indicacion cu lama a suta e bota contra e barancanan.

No ta conoci cuanto tempo e boto aki por tin pega riba e beach, pero sigur mester por tin algun siman si no ta luna. Loke no ta conoci ta cuanto hende a drenta e biaha ey, y kiko mas a drenta Aruba di manera clandestino. Loke ta bisto ta cu, e hendenan aki no ta importa cu boto kibra of sink.

Riba e beach tabata tin un par di keds, un short di homber y un pechi, cu no tabata mustra di tin hopi tempo eybou.

E boto ta similar na un boto cu tambe a wordo laga atras na e mesun forma algun luna pasa na Westpunt.

Probablemente lo por tin mas di e botonan aki cu ilegalnan ta laga atras riba beachnan na Aruba, pero te na momentonan aki nan no a wordo descubri of si hende miranan por yama polis.

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio