Tres persona deteni despues di problema grandi na Caya Franse Bloem

Patruya di Noord a wordo manda e caya pa un persona no desea. Un rato despues otro informacion a drenta cu e situacion a sali for di man.

Y probablemente tironan a wordo scucha.

Mes ora patruya a haci mas lihe pa yega, patruya di Oranjestad tambe a bay e caya pa reforsa e unidad di Noord. Door cu tawata papia di un publico grandi.

Na yegada di polis na e adres, nan a topa cu un grupito di hende. Algun di nan tawata hopi altera, door cu un criatura di 2 aña a ser herida ora cu piedra a wordo manda.

A resulta cu algun persona , di Caya Franse Bloem 23 y 29 den un Mitsubishi Montero shinishi a pasa dilanti Caya Franse Bloem 5.

Na e momento ey banda di caminda e mucha homber JB tawata para cu un bate di baseball, y ela mustra den direccion di e auto ( JB ta sordo mudo).

A start un gritamento formal, insultando otro, aki ta caminda cu e hobennan JB, JRB, y JM a manda piedra direccion e auto.

Un di e piedranan a kibra e glas patras di e auto y durante e impacto esaki lo a herida e criatura JJB di 2 aña na su cabes.

E mucha a haya un bolobobchi grandi y tambe algun glas na su cara.

Door di esey e problema a escala, ora cu un grupo a di Caya Franse Bloem a bay mira ta kiko a pasa.

Polisnan a pidi via CP un ambulance.

Na yegada e paramediconan a controla e mucha.

Nan a conseha esnan cu e criatura pa e pasa na dokter di cas.

E hobennan cu a causa e problema tur a wordo deteni y trabsporta pa warda di Shaba, caminda nan a wordo presenta dilanti un H.O.V.J .

Mas despues nan a wordo transporta pa warda di Santa Cruz. Recherche di districto 2 (Noord) a wordo poni na altura y tambe BFTO (departamento tecnico). ₩