Home » Comishon y fundashon a pidi pa diahuebs tur hende bisti na preto, pa mustra cu Aruba ta na luto

Comishon y fundashon a pidi pa diahuebs tur hende bisti na preto, pa mustra cu Aruba ta na luto

by Admin
0 comment 66 views

Oranjestad – Diaranson atardi Comision  Accion Stop Abuso Aruba a tene un rueda di prensa chikito, relaciona cu e caso lamentabel di Anuska Tromp.

Comision Accion Stop Abuso Aruba (CASA)  a wordo compaña door di Fundashon Hende Muhe Den Dificultad, pa trece un mensahe dilanti pa e pueblo di Aruba. Pa stop abuso contra hende muhe y tambe mucha cu ta sosode tur dia.

Aruba a habri cu un dialuna scur y tristo, un bida cu a wordo ranca door di violencia domestico.

Crisis Plan
Dialuna merdia Fundashon Hende Muhe Den Dificultad (FHMDD) tambe a tende un rueda di prensa, y tambe a expresa nan tristesa y alabes nan preocupashonnan.
Diaranson atardi, Sr. Marinus Wegereef, tambe a papia di e Crisis Plan mescos cu FHMDD.

E rueda di prensa ta pa pidi e pueblo pa di nan parti pone e Crisis Plan den accion, dunando e instancianan concerni nan tools pa por traha mas eficiente.
A wordo treci dilanti den e mes un rosea, pa expanade Slachtofferhulp. No por ta asina cu dos persona so mester draai 24 ora pa henter Aruba. Mester tin mas hende capacita pa yuda.

Aruba ta confrontando diariamente hopi caso di maltrato y mas otro casonan, caminda ta pidi pa slachtofferhulp. Pero cu solamente dos persona, e peso ta bira hopi, cu por bay asina leu di causa daño na salud di e trahadornan aki.

Locual e fundashonnan kier ta pa e Crisis Plan ta den funcion, y asina por yuda e personanan aki y evita cu mas bida ta bay perdi.

Diahuebs e sospechoso, Roy Croes, lo wordo voorgeleid, y pesey na e comishon y tambe fundashon ta pidi como accion protesta pa tur hende bisti na preto.

Algo interesante cu Sr Wegereef a trece dilanti ta e klachten delict, esta cu e victima so lo por entrega un keho awor. Pero si trece cambio den ley, door di por ehempel un homber a maltrata un muhe seriamente e ciudadano por entrega un keho contra e homber.

Di e manera ey bo por proteha e muhe of mucha di sufri mas maltrato cu por tin consecuencianan fatal. Manera nos tur sa, pa diferente motibo (p.e. trauma) tin hende muher ta haye dificil pa bin dilanti cu nan abuso o pa laga e pareha abusador.

Di parti Fundashon Hende Muhe Den Dificultad tawata tey, Sra.Magali Maduro, cu ta coordinator di e fundashon. Ela bisa cu e plan aki a sali di sector priva.

Nan lo bay sostene e accionnan di e comishon.
Un di e accion ta cu ta pidi tur hende ora sali di cas, pa bisti na preto.
Di e manera ey pa mustra nos indignacion pa loke ta pasando aki na Aruba.

Di awor aki pa fin di augustus lo tin basta accionnan cu lo bay tuma luga. Lo bay organisa protestanan y bay cera esaki cu un evento grandi, cu lo tuma luga si nos no ta hera ariba e Plaza Alameda dilanti corte. Eventualmente e lo por cambia pa Plaza Betico Croes.

Artistanan local lo wordo acerca pa nan duna nan aporte, caminda lo bay tin varios orador. Pa di e manera aki trece e mensahe loud and clear cu tur sorto di abuso mester caba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio