Home » Parlamentario Endy Croes: Mike De Meza, e “mafia star” di AVP! Awe e tin tur solucion mientras como Minister e no tabata sa ni e diferencia entre Assets y Expenses

Parlamentario Endy Croes: Mike De Meza, e “mafia star” di AVP! Awe e tin tur solucion mientras como Minister e no tabata sa ni e diferencia entre Assets y Expenses

by Admin
0 comment 52 views

 

 

Nos por a scucha Mike De Meza dia 2 di Augustus ultimo durante conferencia di prensa di AVP na un manera masha a la “señorita” a expresa su mes riba diferente topico relaciona cu energia. Parlamentario Endy Croes ta bolbe enfatisa cu e no lo laga ningun mentira di AVP pasa mas pa nan coy raiz y asina continua  cu nan manipulacion. Mike De Meza, un minister kende a fungi como minister di Finansas Publico desde 2009 pa 2013 sin ningun pero ningun preparacion riba e tereno aki. No ta pornada Mike Eman a pone den e funcion ey pa AVP por a haci locual cu nan tabata kier door cu e no ta domina e materia.

 

Blunder di siglo

Nos por corda durante un reunion publico Mike De Meza a comete e “blunder di siglo” momento el a admiti  cu e no tabata compronde e diferencia entre “Asset y Expense”, entre balance sheet y income statement cual a conduci na un berguensa grandi. Te hasta su propio coleganan a chercha di dje hariendo bariga yen durante e reunion momento cu el a pega e barco aki. Esaki a conduci tambe na un prensa local cu a catagoris’e como un Minister “Lolo di Awa”. Reaccion di esaki tabata cu De Meza a hiba dicho corant corte pa rectificacion y a perde su caso. Hues e tempo aya a considera cu Lolo di awa ta un “water lulletje” cual ta un tipo di pisca y pues no ta ofensivo. Kisas te hasta e Hues tambe lo a hari inmensamente momento cu el a skirbi e vonnis como cu e mester tabata di acuerdo cu e expresion alrespecto e tipo di pisca esta “water lulletje” lo a pas bon pa e ocasion aki como cu un minister di finansa di un pais  mester por tabata sa e diferencia entre “Asset y Expense”. Lamentablemente Mike de Meza no tabata sa esey.

 

Engaño y manipulacion

Mike De Meza awor diripiente tin solucion pa tur cos. Por a scucha Mike De Meza vocifera encuanto Gasunie. Segun Mike de Meza el a laga un Plan cla na November 2017. Feasibility Study, basic engineering, business plan pa cu e proyecto di LNG gas cu Gasunie Hulanda tabata ful cla. Mike De Meza ta kere cu e pueblo aki ta kens? Mike De Meza y AVP a gaña pueblo cu nan a laga un presupuesto 2018 cla cual nan lo a entrega per 1 September 2017. Berdad ta diferente. CAFT a kibra e engaño y manipulacion di AVP door di declara cu Aruba no tabata tin un presupuesto 2018 entrega conforme ley di Laft y pa e motibo aki a duna e gobierno nobo extra tempo te cu April 2018 pa produci un presupuesto nobo pa cu 2018. Den mesun estilo di manipulacion Mike de Meza y AVP a gaña cu nan a logra alcansa e norma di 2017 cual mester tabata un deficit di 0.5% esta -25 MIYON florin. CAFT den luna di Januari 2018 a declara despues di a haci su investigacion cu e norma 2017 tabata 2.6% (enbes di 0.5% conforme Laft) agregando 0.5% di e ley a pone cu na 2017 Aruba a cera cu un deficit di 3.1% y no 0.5% manera ley ta prescribi y manera Mike de Meza y AVP ta trata na bende pueblo. P’esey CAFT a splica cu Surplus pa 2018 ta BUITENBEREIK y lo traha riba normanan nobo.

 

Ta e mesun Mike De Meza aki a grita den Parlamento cu prijs di crudo lo alcansa $500 dollar pa bari y a duna instruccion pa WEB hedge. Pues tin asina tanto evidencia cu Mike de Meza ta un mentiroso, manipulador y gañador patologico cu ta haci dificil pa un hende den su sano huicio por kere locual e ta papia. Segun Mike De Meza, Plan Gasunie, su feasibility study, basic engineering, business plan tur tabata cla. Wel ni computers y/of documento Mike de Meza a laga atras den su oficina corda plan. Nan a plunder tur cos. Nos ta laga na pueblo pa saca su conclusion riba e declaracion aki di Mike de Meza, e hefe y “mafia star” di AVP.     

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio