Segun Candelaria unda cu e cana pueblo ta pidie pa “Baha Nan” mientras Endy Croes ta reacciona bisando cu unda cu e cana pueblo ta pidi pa “Cera Nan”
Parlamentario Endy Croes a baha por la goma dialuna mainta durante conferencia di prensa contra Parlamentarionan di AVP tanto Mike de Meza como Robert Candelaria. Tur esaki tabata referente na un conferencia di prensa di AVP di 2 di Augustus ultimo. Candelaria a sali ta papia un cantidad di mentira.
Endy Croes durante conferencia di prensa di Fraccion di MEP a pone Candelaria na su lugar. No obstante ta keda cuestiona integridad di e ex polis alrespecto 4 ticket cu Land Aruba a paga den juni y juli 2017 momento cu Candelaria a bin Aruba pa negosha su number riba lista y su futuro briyante cu salarionan barbaro. Endy Croes ta bolbe pidi Candelaria pa paga Land Aruba bek e 4 ticketnan di Corsou pa Aruba cual ta papia di werkbespreking mientras Candelaria no ta den servicio di gobierno.
No obstante esaki Parlamentario Endy Croes na un manera hopi cla a mustra cu documentonan y prueba con Candelaria ta manipula y gaña al estilo di AVP. Mike Eman ta train su futuro alumnonan con mester hiba un politica di mentira pa brainwash pueblo. Endy Croes ta splica cu lo keda reacciona cu prueba riba tur engaño. Mientras Candelaria a bolbe trece mentira dilanti cu gobierno te ainda no a cumpli cu promesa di 200 polis den promer 100 dia, Parlamentario Endy Croes mester a pone bek na su lugar.
Croes a reta Candelaria pa bin cu e documento unda el a lesa cu lo a priminti 200 polis den e promer 100 dia. Locual Croes ta lamenta masha hopi ta cu Candelaria hustamente ta un ex polis y ta permiti su mes wordo usa pa AVP. A priminti 200 polis den 4 aña di gobernacion unda ta prepara 50 polis pa aña den 2 seccion di dos grupo di 25 polis pa aña y pues den 4 aña lo logra 200 polis siguiendo e sistema aki cu Candelaria conoce bon bon.
Candelaria kier a chercha di Radar y Helicopter. Croes ta reacciona splicando cu el a papia cu Minister Bikker y tur ta na caminda y cu poco pasenshi Candelaria tambe lo sinti e cambio. Finalmente Candelaria a expresa cu unda e cana den pueblo, pueblo ta puntr’e ki dia ta “baha nan”. Riba esaki Parlamentario Croes a termina bisando cu e tambe ta cana e mesun camindanan cu Candelaria ta cana y unda cu Croes pasa den pueblo, pueblo ta puntr’e ki dia ta “cera nan”.