Pos abou: Diadomingo pa mas o menos 10′ or y mey di anochi, recherchenan di Noord ta logra pone man riba e homber cu a maltrata su pareha den oranan di atardi.
E homber a wordo haya den su apartamento den un cura di cas na Pos Abou. E homber di 53 aña di fam Croes tabata drumi y no tabata kier a habri porta. Recherchenan lo a kibra e porta di e apartamento y asina a logra detene e abusador di fam Croes. Ela wordo transporta mesora pa warda di Shaba.
E victima ta un dama A. Tromp di 48 aña di edad. E victima ta un persona cu ta diabetico y ta hopi delicado di salud.
Segun nos a compronde cu na momento cu e amiga tabata cu e victima na polie, e abusador a bay polie pa confirma locual tabata su intención, pa desgracia e victima.
Na polie ta caminda cu e victima a sak den otro y tabata sangrando profusamente, eynan su situacion a bira critico y cu na e momentonan aki e ta luchando y ta den man di Dios.
