166
Palm Beach – Diadomingo atardi 5:40 pm, polis a wordo avisa di un accidente entre dos auto na crusada di Palm Beach.
Na yegada di polis nan a constata cu tin cuatro persona herida, di cual dos ta adulto y dos mucha.
Tawata trata di un auto KIA y un Suzuki, ambos cu basta daño material.
Na e sitio a yega 2 ambulance y tambe e rapid respond di ambulance.
Mes ora paramediconan a cuminsa trata e heridonan.
Segun nos a compronde cu e auto KIA lo a pasa den luz cora y net momento cu e Suzuki tawata pasando den su luz berde. Esaki a causa e accidente.
Ambulance a transporta esnan levemente herida pa hospital, mirando cu algun tawata sinti dolor na curpa.
E crusada aki ta uno conoci pa basta accidente di auto, aunke cu tin luz di trafico.
Debi na e accidente aki, trafico a stagna ariba Sasaki y tamve ariba e caminda di Citgo Palm Beach direccion pabou.