Bogota, Colombia: Gobierno Colombiano a duna mas o menos 440 mil migrante venezolano un permiso temporal di estadia, Permiso Especial de Permanencia, PEP.
E presidente Juan Manjuel Santo a duna di conoce den su declaracion, cu e venezolanonan aki, cu a haya e permiso temporal di estadia, lo haya ayudo pa cu tratamento medico, educacion y diferente ayudonan social.
Hopi venezolano a crusa frontera pa motibo di e situacion economico devastador cu nan pais ta pasando aden. E crisis aki tin di haber cu e malmaneho di añanan y riba dje e prijs di petroleo cu ta keda baha. Recientemente mas o menos 250 mil colombiano cu tabata residencia na Venezuela, a regresa nan pais.
E decreto firma pa Santos ta duna e venezolanonan cu ainda no tin visa, un permiso di estadia di dos aña. E gobierno Colombiano a pone tambe 20 miyon peso, casi 7 miyon dollar desponibel pa cubri gastonan di hospital pa si e e migrantenan aki mester tratamentonan por ehempel di Cancer of diabetisis
Presidente Santos, cu criticanan fuerte den direccion di e gobierno Venezolano di Nicolas Maduro. E ta denuncia e hecho cu e pueblo venezolano ta muri di hamber y malesanan, mientras nan ta bibando den un pais rico cu hopi reserva di pertroleo.