Kruisweg, Oranjestad: Diaranson algo prome cu 12:30 di mey anochi, polis ta haya informacion cu Maxim Bar ta habri y cu e bar aki no lo tin permiso pa opera.
E bar aki ta situa no mucho leu for di warda di polis den Oranjestad y sigur ta uno bon conoci pa nan.
Segun nos a wordo informa, cu e establecimento nocturno aki no tin permiso pa ta habri. Tambe cu e instancia responsabel a te hasta trek in nan vergunning, pues bou di ningun circumstania ta permiti pa opera.
Diaranson mey anochi, manera nada no a pasa Maxim Bar a habri su portanan pa publico.
Na yegada Polis a staciona dilanti e lugar y manera a habri e porta musica duro, por a wordo scucha algun meter leu for di e bar.
E luga aki varios biaha polis a yega di drent’e, pa caso chikito y tambe pa casonan grandi.
Dos aña pasa a tuma lugar un caso di asesinato, den cual un homber local ta perde su bida, na momento cu ela sali pafor di e establecimento, ela wordo ataca y cruelmente puñala.
Varios razzia a tuma lugar den Maxim, den un di e razzianan aki, Guarda nos Costa e tempo ey a score, door di a detene un cantidad grandi di damanan Venezolano cu lo tawata eherciendo e profesion mas bieu di mundo, tur a wordo deporta.
Durante un otro razzia, polisnan ta topa cu un homber Venezolano cu un Glock, cu un peña largo carga, den su poder.
Pues un club of bar cu tin su historia, polisnan a keda basta rato paden.
Despues di basta papiamento, por a mira cu e open sign a wordo paga, y e clientenan cu tawata paden mester a cuminsa bandona e sitio.
E operador di e bar lo a duna di conoce na polis cu e papelnan di e establecimento lo ta den tramite cerca Minister, pero no a tende nada mas.
Polisnan a tuma tur datos y e doño mester a cera e bar, algun siman pasa ya caba polis a cera e luga ey, pero pa un of otro motibo, nan lo a bolbe habri y sin permiso.