Amsterdam, Hulanda:Gemeentelijk Gezondsheidsdienst (departamento di Salubridad)di Amsterdam ta ofrece tur homber gay y bisexual durante Gay Pride vacuna gratis contra Hepatitis B.
Desde algun aña, e cantidad di personanan infecta cu Hepatitis B den e grupo aki na Amsterdam a baha, segun investigacionnan haci e cantidad di persona infecta cu Hepatitis B a baha, esaki tin di haber cu un programa di vacunacion contra Hepatitis B, cu a inicia na aña 2002.
Maske e cantitad di casonan di hepatitis a bira menos, ta calcula cu tin entre 10 mil pa 12 mil hombernan homosexual y bisexual, cu ainda no a wordo vacuna.
GGD di Amsterdam ta pidi nan pa meld, desde 2006 GGD ta activo den e nightlife di Amsterdam, nan ta pasa na e clubnan y ta vacuna personanan cu ta desea.
Ta ser calcula cu 1 riba cada 5 homber na Amsterdam, cu ta haci sex cu un otro homber, ta wordo contagia cu hepatitis B. Hepatitis B ta un infeccion di higra cu por daña e higra y esaki por conduci na cancer na higra.