Home Politics Parlamentario Alan Howell: No ta aceptabel loke ta pasando cu Biblioteca San...

Parlamentario Alan Howell: No ta aceptabel loke ta pasando cu Biblioteca San Nicolas

SHARE

 

 

Parlamentario di POR, Alan Howell ta lamenta cu te ainda renobacion di Biblioteca na San Nicolas no por yega na un fin, e ta haya e situacion uno increibel.

Comentando riba esaki Howell ta expresa cu habitantenan di pariba di brug y San Nicolas no merece esaki y cu e sigur lo no drumi te ora e biblioteca keda cla. “Como parlamentario y repesentante di San Nicolas lo no tolera nada cu ta of lo wanta San Nicolas atras. Haciendo pregunta y controlando mi ta bin compronde cu e renobacion lo no keda cla pa e habrimiento di aña escolar nobo”.

Ora Alan Howell a scucha esaki su fuse a bula y ta para ariba cu esaki ta inaceptabel. El a papia cu Minister Lampe y cu e director di biblioteca y por a deduci cu nan tambe ta disgusta cu ainda e renobacion no a keda cla.

Howell lo haci uzo di su derecho como parlamentario pa manda preguntanan por escrito na minister Lampe pa asina haya e claridad necesario riba e situacion di e bibloteca na San Nicolas. Por ehempel 1 pa sa e motibonan exacto di kico ta causa e retraso, 2. ki dia exactamente e renobacion lo keda cla y 3. ki dia lo ta e gran apertura tan spera.

Pueblo di pariba di brug por conta riba Howell pa sali na vanguardia di nos pais y muy especial di San Nicolas. “The small man for the people and the people for the small man”.