ORANJESTAD – Diadomingo den Cas di Cultura a tuma lugar un bunita concierto di Aruba Symphony Festival & Academy den cual hobennan di 9 diferente Pais a bin hunto pa siña, practica y deleita nos cu musica clasico. Minister encarga cu Cultura señora mr. Xiomara Ruiz-Maduro a presencia e bunita evento aki y ta gradici señor Clyde Harms y señor Johnny Croes pa e invitacion pa disfruta di e concierto final di e festival 2018 y tambe pa organisa e evento aki pa 4 aña caba. Ta e mandatario su deseo cu pronto lo por logra e meta pa Aruba tin su propio orkesta sinfonico den cual nos hobennan por demostra nan talento. E tabata un placer sigur pa scucha e cantica ‘Abo so’ di nos Padu del Caribe wordo toca den presencia di Padu pa e orkestra na final di e concierto.